Tarmtømming med Plenvu

Ei veke før undersøkinga

• Kjøp tømmingsmiddel (om apoteket ikkje har det på lager, skaffar dei det på ein dag eller to).
• Unngå mat med frø, heilkorn, kli, druestein, appelsin, mais og tyttebær, bringebær og jordbær.
• Dersom du bruker jerntablettar, må du slutte å ta desse 1 veke før timen.  
• Sjekk med tilvisande lege eller sjukehuset om du skal stoppe med blodfortynnande medisinar.

NB: Om du har fått time på kort varsel, kan det hende du ikkje får høve til å følge desse råda. Du skal likevel møte til timen.

Dagen før undersøkinga

• Et ein lett frukost (lyst brød, smør og margarin, kvitost og kremost, mjølk, yoghurt, eggekvite, majones, lyst kjøttpålegg, kvit fisk, ris, pasta og poteter utan skal).
• Dersom du har time etter kl. 15.30 kan du også ete ein lett lunsj (sjå lista over).
• Etter dette skal du ikkje ete meir, men du kan drikke klare væsker (vatn, te, kaffi utan fløyte/mjølk, buljong, jus utan fruktkjøtt, saft eller brus).

Tarmtømming med Plenvu

8–18 timer før undersøkinga (dose 1)

• Løys Plenvu dose 1 i 500 ml vann. Bruk inntil 1 time på å drikke blandinga. Deretter drikk du 500 ml klar væske i løpet av 30 minutt.
  
  Vi anbefaler at du kjøler blandinga ned med isbitar eller set den i kjøleskap i nokre timar før du drikk den. Blandinga kan oppbevarast ved romtemperatur eller i kjøleskap i opptil 24 timar.

4–5 timer før undersøkelsen (dose 2)

• Drikk eit glas klar væske, gjerne buljong
• Deretter blander du Plenvu dosepose A og dosepose B saman i 500 ml vatn. Bruk minst 1 time på å drikke blandinga. Deretter drikk du 500 ml klar væske i løpet av 30 minutt. Du kan gjerne drikke Plenvu og klar væske om kvarandre over 90 minutt.
  
  Vi anbefaler at du kjøler blandinga ned med isbitar eller set den i kjøleskap i nokre timar før du drikk den. Blandinga kan oppbevarast ved romtemperatur eller i kjøleskap i opptil 24 timar.

Fortsett å drikke klare væsker før, mens og etter at du har tatt Plenvu, for å forhindre at det oppstår væskemangel (dehydrering). Det er viktig at du drikk dei anbefalte mengdene med klare væsker.

Det må gå minst éin time mellom dose 1 og dose 2.

Det er ingen oppfølging etter tømming med Plenvu.